Поетско читање: Птици и зборови селици
- Details
- Category: Активности
- Last Updated on Thursday, 16 May 2013 06:46
- Written by Aleksandar Jashkov
Здружението Контекст – Струмица за прв пат со своја активност во Радовиш.
Ова поетско читање со наслов: Птици и зборови селици е заедничка идеја на учесниците на првото поетско читање организирано во март.
Повелете во 20:00 часот во просториите на градската библиотека „Браќа Миладиновци“ во Радовиш, во петок, 17 мај 2013 година да одбележиме уште едно славење на зборовите, тие јата кои во полет не радуваат!
Контекст ги поканува сите заинтересирани да земат учество во овој настан со читање на свои поетски дела. Да ги прославиме ритмиката на животот, естетиката на зборот, слободата на мислата и тонот на интерпретацијата, заедно!
Целта е обединување на македонски поети од неколку генерација од овој регион, со што Контекст се залага за посилно промовирање на поезијата во општествениот живот, како и за афирмирање на ставот дека токму литературата може да биде мост на сплотување, разбирање и градење трајни вредности. Да слушнеме сите заедно вонвременски стихови за љубовта како основна човечка особина, за животот, за креацијата која ја носи пролетта, за убавите нешта и за она што не опкружува, за она што не мотивира и инспирира да создаваме, да твориме. Да ја поддржиме творечката мисла, блискоста и меѓусебното почитување, да го збогатиме културниот живот и програмата на Радовиш, а со тоа и да ги слушнеме новите книжевни гласови од регионот.
Неконвенционално да прославиме уште еден ден на поезијата, затоа што можеби некои велат дека поезијата тешко се снаоѓа во современиот свет или негрижата на општеството како и современата технологија се само дел од виновниците што поезијата е оставена на маргините, но ние едноставно не веруваме во тоа. Поезијата од секогаш била источник на чистата душа, извор на вистината, така и ќе остане!
Потврдени поети/ учесници:
- Борче Панов
- Златкова Мануела
- Катерина Диманова
- Мирна Трпкова
- Снежана Андонова
- Митко Гогов
- Елизабета Кацарева
- Соња Ефтимова
- Марија Димова
- Јовица Илич
,,Мајски цвет 2013"
- Details
- Category: Активности
- Last Updated on Sunday, 12 May 2013 09:12
- Written by Aleksandar Jashkov
Општинската народна библиотека ,,Браќа Миладиновци" - Радовиш, на овогодинешново издание на Детскиот поетски фестивал ,,Мајски цвет 2013" кој во организација на ЈОУБ ,,Искра" и Литературниот клуб ,,Копнеж" од Кочани се одржа на 10 мај 2013 година, имаше успешен настап. Во наптреварувачкиот дел за избор на најoдбра литературна творба, наградена беше творбата на ученичката Димитрина Дечинова од VII-в одделение од ООУ ,,Крсте Петков Мисирков" а ОНБ ,,Браќа Миладиновци" беше пофалена како најдобра библиотека учесник на фестивалот.
Меѓународен ден на книгата и авторското право
- Details
- Category: Активности
- Last Updated on Wednesday, 24 April 2013 14:06
- Written by Aleksandar Jashkov
Општинската народна библиотека ,,Браќа Миладиновци,, - Радовиш, денес со пригодна програма го одбележа Меѓународниот ден на книгата и авторското право. По тој повод, приогдна реч пред присутните имаше директорот на библиотеката Станој Петров, а по повод овој значаен ден за книгата и авторското право прочитани беа и пораката од: Генаралниот директор на УНЕСКО Г-ѓа Ирина Бокова како и македнската порака од поетот и есеист Никола Маџиров.
На денешната свеченост по повод одбележувањето на Меѓународниот ден на книгата и авторското право 23-ти Април, објавени беа и резултатите од наградниот конкурс на библиотеката распишан по повод одбележувањето на денешниот празник, така што, за прво наградена беше прогласена поетската творба на Димитрина Дечинова од VII-в одделнеие од О.У. ,,Крсте Петков –Мисирков со менторот Томе Постолов, вторнаградена беше творбата на Олгица Ефремова VI-2 одделение од О.У. ,,Никола Карев” од Радовиш со менторот Каменита Костадинова – Атанасова и третопласирана беше творбата на Андреина Ташкова од VIII – 1 одделение од ОУ ,,Крсте Петков – Мисирков,, со менторот Димче Здравев.
Првите две првопласирана творби, Општинската народна библиотека ,,Браќа Миладиновци,, - Радовиш и Општина Радовиш, на 10-ти мај 2013 година ќе ги претставуваат на Детскиот поетски фестивал ,,Мајски цвет 2013,, во Кочани.
Промоција на книга
- Details
- Category: Активности
- Last Updated on Thursday, 07 March 2013 08:25
- Written by Aleksandar Jashkov
На 25ти Јануари, 2013 година, во просториите на ОНБ „Браќа Миладиновци“, во Радовиш, се одржа промоцијата на книгата „Секој крај е нов почеток“ од Петранка Костадинова.
ЗАВРШИ РЕГИОНАЛНАТА КОНФЕРЕНЦИЈАТА ЗА ЈАВНИ БИБЛИОТЕКИ
- Details
- Category: Активности
- Last Updated on Monday, 18 February 2013 13:42
- Written by Aleksandar Jashkov
Заврши Регионалната конференција за јавни библиотеки на тема „Јавните библиотеки поттикнуваат иновации во заедницата“ која се одржа на 14 и 15 февруари во Радовиш. На конференцијата освен библиотекари учествуваа Раководителот на ЕИФЛ ПЛИП програмата Рамуне Петуховаите, претставници од Министерството за култура и локалните власти со цел започнување на дијалог за новите улоги на јавните библиотеки и развој на услуги, кои придонесуваат за економски, социјални и образовни приоритети во земјата, како дел од една поширока иницијатива за поврзување.
More Articles...
- ИТАЛИЈАНСКИ ЈАЗИК ЗА НЕВРАБОТЕНИ ЛИЦА
- ОБУКИ АНГЛИСКИ ЈАЗИК
- РАБОТИЛНИЦА ЗА ЛИЦА СО ИНТЕЛЕКТУАЛНА ПОПРЕЧЕНОСТ
- 23.04.2012 - САЕМ НА КНИГА
- Преку технологијата до посамостоен живот
- АНГЛИСКИ ЈАЗИК ЗА НЕВРАБОТЕНИ ЛИЦА
- ОБУКИ ЗА ОСНОВНИ КОМПЈУТЕРСКИ ВЕШТИНИ ЗА НЕВРАБОТЕНИ ЛИЦА
- СОСТАНОК НА ПЛИП ГРАНТИСТИ ВО ЉУБЉАНА
- Изложба „Татковинска војна 2012“
- Учество на детскиот поетски фестивал „Мајски Цвет 2012“ во Кочани